1.2: Cás-Staidéir ar Réaltacht Fhíorúil (5 nóiméad)

Cásanna Tipiciúla Réaltachta Fíorúla

Mar dhearthóirí VR, ní mór dúinn a bheith ar an eolas faoi cad a chiallaíonn réaltacht fhíorúil d’idirghníomhaíochtaí daoine. Léiríonn Léaráid 2 thuas cásanna éagsúla Réaltachta Fíorúla thuas. Déanfaidh muid mion-chomparáid idir na cásanna:

• Taispeánann Cás A go bhfuil Joe ag caitheamh fearas cinn VR in aice le Dave atá taobh amuigh den VR. De ghnáth sa chás seo, bíonn cumarsáid laghdaithe ann - b’fhéidir go bhfuil Joe agus Dave in ann labhairt lena chéile, ach nach bhfuil siad in ann a chéile a fheiceáil a thuilleadh. Cruthaíonn sé seo deacracht spéisiúil dúinne mar dhearthóirí VR. Conas is féidir le Joe anois a eispéireas VR a roinnt le Dave?
• Taispeánann Cás B go bhfuil Joe agus Dave beirt ag caitheamh fearas cinn VR agus tá siad sa domhan céanna. Is féidir leo anois an t-eispéireas VR a roinnt lena chéile, agus baineann siad an-sásamh go deo as. Mar sin féin, léiríonn sé seo ábhar imní maidir le sábháilteacht - Ó tharla go bhfuil Joe agus Dave beirt sa VR agus nach bhfuil aon duine eile thart, d'fhéadfaidís siúl isteach i gconstaicí sa saol ceart.
• Taispeánann Cás C Joe agus Dave sa saol ceart, ag breathnú ar theilgean de réaltacht fhíorúil. Ach fan, an Réaltacht Fhíorúil í seo? Déarfadh daoine áirithe gurb ea - ach, baineann tumadh an-teoranta leis an gcineál seo VR. Ach is féidir é a úsáid, mar shampla in éineacht le Cás A, chun ligean do Dave sa domhan ceart an méid atá ag tarlú do Joe sa domhan fíorúil a leanúint.
• Taispeánann Cás D ar deireadh an réaltacht fhíorúil mar a fheicfidh tú í sa chúrsa seo - físeán leabaithe idirghníomhach, ar féidir leat é a tharraingt timpeall. Tá VR chomh solúbtha na laethanta seo, gur féidir é a dháileadh ar dhaoine ar an idirlíon, fiú mura bhfuil fearas cinn acu. Ciallaíonn sé seo, mar shampla gur féidir le músaeim ligean do dhaoine a dtaispeántais a fheiceáil ar líne. Ligeann roinnt eispéiris duit fearas cinn VR a úsáid, agus é plugáilte isteach i do ríomhaire.

Is é an bealach is éasca le tuiscint cheart a fháil ar an méid is féidir linn a dhéanamh le Réaltacht Fhíorúil mar dhearthóirí ná triail a bhaint aisti tú féin. Sa chéad mhír eile breathnóidh muid ar roinnt eispéiris shonracha Réaltachta Fíorúla.

Cás 1: Bheith i mBróga Daoine Eile

Úsáidtear Réaltacht Fhíorúil freisin chun eispéiris iomlán nua a chruthú - tú a chur i mbróga duine eile nó trí níos mó a dhéanamh ná mar is féidir sa domhan ceart. Is tionscadal ar scála mór é Project Empathy trína ndéantar iarracht cabhrú le daoine blaiseadh a fháil de shaol daoine eile. Roinnt gearrscannán atá sa tionscadal a leanann daoine aonair éagsúla a dtéann córas príosún Mheiriceá i bhfeidhm orthu. Úsáidtear an tionscadal VR chun a chinntiú go mbraitheann an lucht féachana go bhfuil siad ann i ndáiríre agus go dtuigeann siad an tionchar a bhíonn ag an bpríosún ar dhaoine - ó thaobh an phríosúnaigh féin agus iad siúd atá gar dóibh araon. Is féidir tuilleadh eolais faoin tionscadal a fháil ach cliceáil ar an íomhá.

Project Empathy

Cás 2: Ceolfhoireann Fheabhsaithe

Bain sásamh as an LA Philharmonics Orchestra le héifeachtaí físiúla iontacha agus radhairc ó uillinneacha ceamara nach bhfeicfeá sa saol mar atá. Ligeann an t-eispéireas duit sásamh a bhaint as an gceolchoirm in aice leis an stiúrthóir agus leis an gceolfhoireann féin. Trí úsáid a bhaint as VR, go tobann airíonn sé go bhfuil éifeachtaí suntasacha ann i ndáiríre, agus tá siad in ann gné bhreise a chur leis an eispéireas, rud a fhágfaidh go mbeidh doimhneacht bhreise fhísiúil ag baint le heispéireas a bheadh an-éistitheach de ghnáth.

Is féidir tuilleadh eolais faoin eispéireas, agus eispéiris bhreise VR, a fháil anseo

Comparáid a dhéanamh idir na Cásanna VR

Tá trí chás feicthe agat anois le linn an chúrsa. Is dóichí go bhfaca tú iad ar scáileán do ríomhaire agus dá bhrí sin go bhfuil tú tar éis a bheith i gCás D.

Aonrú - Go Maith nó Go Dona?

D'ainneoin d’eispéiris, a bhí ar scáileán ríomhaire, gné chumhachtach den réaltacht fhíorúil is ea go dtarraingíonn sí daoine isteach in eispéireas. Ach an é sin atá uathu i gcónaí? Cinntíonn cumas na réaltachta fíorúla daoine a aonrú go dtumann sí iad san eispéireas a dhearann tú. Fágann sí amach torann agus rud ar bith eile a chuirfeadh isteach ort, agus díríonn sí d’aird go hiomlán ar an saol fíorúil. Mar sin féin, ciallaíonn sé freisin nach féidir leat an méid atá ag tarlú i do thimpeall a leanúint.

Cruthaítear an tumadh freisin mar go gceadaíonn an Réaltacht Fhíorúil do dhaoine breathnú timpeall i dtreo ar bith is mian leo. Ach ciallaíonn sé seo, fiú má tá daoine in VR, go mb’fhéidir nach bhfuil siad ag breathnú ar an rud a bhfuil tú ag iarraidh a n-aird a dhíriú air. Sa chiall sin, tá réaltacht fhíorúil difriúil ó ghnáthscannán, áit a bhfuil stiúrthóir tar éis ceamara a dhíriú i dtreo áirithe.

Léacht 1.2 Críochnaithe!

D'fhoghlaim tú ó na cás-staidéir agus na cineálacha éagsúla VR. Tuilleann sé seo an suaitheantas seo a leanas duit:

Ceangail na poncanna.

Do Dhul Chun Cinn: